خبرين سعيدين لمرضي الام اس

دوائين جداد جدا أتوافق عليهم .. هأشرح ببساطة ايه هما الدوايين و إيه الجديد اللي بيقدموه

١ - كيسمبتا KESIMPTA

*************************

أ. دواء لكل مراحل الإم إس

المبكر CIS و النشط ذو الهجمات RRMS و التقدمي الثانوي النشط SPMS

ب. بيقلل الهجمات بنسبة ٥١ % و ٥٩ % تقريبا حسب الدراستين اللي إتعملوا عليه

ج. اسمه العلمي OFATUMUMAB بيشتغل علي الخلايا الليمفاوية ب .. زي أدوية تانيه نعرفها( أوكريفس و ريتوكسيماب )بس المختلف إنه بيتاخد حقنة واحدة شهريا تحت الجلد و المريض ممكن يديها لنفسه مش محتاج يروح مستشفي

د. الدواء إنتاج شركة نوفارتس .. اتوافق عليه من ١٠ أيام .. هينزل أمريكا في خلال أيام .. لسه مدخلش السوق المصري و بالتالي لسه مش معروف السعر .. و لكن نتوقع دخوله السوق المصري قريبا إن شاء الله

٢-إنسبرنج ENSPRYNG

***********************

أ. دواء لعلاج مرض NMO المشابة للMS ..اللي طلع عندهم تحليل أكوابورين إيجابي

ب. ٧٦ % تقريبا من المرضي اللي خدوه مجالهمش هجمات لمدة سنتين

ج. اسمه العلمي SATRALIZUMAB بيتاخد حقنة واحدة كل ٤ أسابيع تحت الجلد و المريض ممكن يديها لنفسه مش محتاج يروح مستشفي

د. الدواء إنتاج شركة روش .. اتوافق عليه من أسبوعين .. لسه مدخلش السوق المصري و بالتالي لسه مش معروف السعر ..

حاسس في الأفق 😂بشوية أسئلة و تعليقات هأجاوب عليها مقدما

١- تعليق من الأستاذ هاني رمزي "مفيش فايده" بيقول " و ايه الجديد 😏 احنا عايزين علاج نهائي .. زهقنا"

الرد: الجديد علاج فعال في السيطرة علي المرض .. بيتاخد بسهوله جدا في ثانيه دون الحاجه لمستشفي ..و العالم لم يصل بعد للعلاج النهائي لمرض السكر مثلا و هو مرض أقدم و أكثر انتشارا .. المهم السيطرة علي المرض

٢- سؤال مهم .. ازاي نفرق بين NMO و MS

بسهوله NMO يجيي اكتر في العين و النخاع الشوكي و معاه تحليل دم اسمه أكوابورين بيطلع ايجابي

٣- أسامي الادويه الجديده صعبه اوي .. مش هنعرف نحفظها

هابسطهالك😀😀

واحد بيسأل

KESIMPTA

KISS 💋 إمتي ??

اترد عليه

ENSPRYNG

IN SPRING

في الربيع ان شاءالله